पुणे तिथे काय उणे अशी घटनाच घडली आहे. थेट उपमुख्यमंत्री अजित पवार यांच्या नावानेच खंडणी मांगितल्याची घटना समोर आली आहे. खरेदीतील आर्थिक वादाच्या प्रकरणातून ही खंडणी मागण्यात आली. या प्रकरणी चार आरोपींवर गुन्हा दाखल करण्यात आला.
पुण्यातील प्रसिद्ध बांधकाम व्यावसायिक अतुल गोयल यांना राज्याचे उपमुख्यमंत्री खुद्द अजित पवार यांच्या नावे फोन करून खंडणी मागितल्याचा प्रकार समोर आलाय. पुण्याजवळील वाडेबोल्हाईतील जागेचा वाद मिटवण्यासाठी अजित पवार यांचा नंबर फेक काॅल ह्या अॅपवर डाउनलोड करून फिऱ्यादीकडून २० लाख रूपयांची मागणी केली. एका साध्या बांधकाम व्यावसायिकाला खुद्द उपमुख्यमंत्र्यांचा फोन आल्याने, शहरात चर्चांना उधाण आलं आणि एकच खळबळ माजली.
दरम्यान या प्रकरणी पोलीसांनी तपास करत नवनाथ भाऊसाहेब चोरमले, साैरभ नारायण काकडे, चैतन्य राजेंद्र वाघमारे व किरण राजाभाऊ काकडे ह्या आरोपींना गुन्हे शाखेद्वारे अटक केली. नवनाथ भाऊसाहेब चोरमले ह्या आरोपीच्या आजोबांकडून गोयल यांनी काही वर्षांपूर्वी जमीन खरेदी केली होती. त्यावेळचे खरेदीतील आर्थिक वादाचे प्रकरण मिटवण्यासाठी हा फोन केल्याची माहिती मिळते आहे.