थोडक्यात
फलटणमधील महिला डॉक्टर प्रकरण
जरांगे समर्थक रमेश पाटीलांचा रणजीत निंबाळकरांना फोन
रमेश पाटलांचा कॉल रेकॉर्डिंग व्हायरल
(Satara Female Doctor case ) सातारा जिल्ह्यातील फलटण उपजिल्हा रुग्णालयात कार्यरत असलेल्या महिला डॉक्टरच्या आत्महत्येच्या प्रकरणाने राज्यभरात खळबळ उडाली आहे. या घटनेत धक्कादायक बाब समोर आली असून, डॉक्टरने आत्महत्येपूर्वी आपल्या हातावरच मृत्यूस कारणीभूत असलेल्या दोन व्यक्तींची नावे लिहिली आहेत.
मृत डॉक्टरने आत्महत्येपूर्वी आपल्या हातावर सुसाईड नोट लिहिली होती, त्यात तिने धक्कादायक आरोप केले आहेत. त्या नोटमध्ये डॉक्टरने लिहिले आहे की, "PSI गोपाल बदने यांनी तिच्यावर पाच महिन्यांपासून वारंवार अत्याचार आणि लैंगिक शोषण केले, तसेच पोलीस अधिकारी प्रशांत बनकर यांनी तिला मानसिक छळ केला". त्या महिला डॉक्टरने या दोघांवर लैंगिक अत्याचार आणि मानसिक छळाचे गंभीर आरोप केले आहेत. या प्रकरणात आता अनेक खुलासे होताना पाहायला मिळत आहे.
याच पार्श्वभूमीवर आता या प्रकरणात जरांगे समर्थक रमेश पाटलांचा रणजीत निंबाळकरांना फोन आल्याची माहिती मिळत असून रमेश पाटलांचा कॉल रेकॉर्डिंग व्हायरल झाल्याचे पाहायला मिळत आहे. संपदा मुंडे प्रकरणी जरांगे समर्थक रमेश पाटील यांनी रणजीत निंबाळकर यांना फोन करुन जाब विचारला असल्याची माहिती मिळत आहे.'संपदा मुंडेला न्याय द्या, नाहीतर तुम्ही फटके खाणार' असा इशारा रमेश पाटलांनी दिला असल्याची माहिती मिळत आहे. अधीक्षक दोषी यांच्यासह उपाधीक्षक खांबे यांना देखील रमेश पाटलांनी फोन केल्याची माहिती मिळत आहे.