प्रशांत जगताप, सातारा | साताऱ्याचे भाजपचे खासदार उदयनराजे आणि आमदार शिवेंद्रराजे भोसले यांची जिल्हा मध्यवर्ती बँकेच्या संचालकपदी आज बिनविरोध निवड झाली. या निवडणुकीत दोघांनी एकमेकांवर टोकाची टीका करत समोरासमोर येण्याचे आवाहन केलं होतं. तसेच उदयनराजेंनी शिवेंद्रराजेंना गाठणार असल्याचे मंगळवारी विधान केले होते. अखेर आज उदयनराजेंनी शिवेंद्रराजेंना गाठले आणि एकमेकांना शुभेच्छा दिल्या.
गेल्या महिनाभरापासून खासदार उदयनराजे आणि आमदार शिवेंद्रराजे यांच्यात निवडणुकीवरून शाब्दिक चकमकी उडत होत्या..दोघांनी एकमेकांवर टोकाची टीका करत समोरासमोर येण्याचे आवाहन केलं होतं. आज दोघांची बिनविरोध निवड झाल्याने हे आवाहन देखील संपुष्टात आले.
दरम्यान मंगळवारी प्रसिद्धी माध्यमांना शिवेंद्रराजे यांना गाठणार असल्याचे उदयनराजेंनी सांगितलं होतं..त्यावर खासदार उदयनराजेंनी सुरुची येथे जाऊन आमदार शिवेंद्रराजे यांना भेटून निवड झाल्याबद्दल अभिनंदन केले.दोघांच्यात मतभेत नसल्याचे आमदार शिवेंद्रराजे यांनी सांगत वादावर पडदा टाकला आहे.