थोडक्यात

गणपती बाप्पा मोरया… पुढच्या वर्षी लवकर या!

आज लाडक्या बाप्पाला निरोप देण्यात येणार

गणपती विसर्जनासाठी मुंबई, पुण्यासह राज्यभर यंत्रणा सज्ज

(Ganpati Visarjan)10 दिवस सेवा केल्यानंतर आज लाडक्या गणपती बाप्पाला निरोप देण्याची वेळ आली आहे. दहा दिवस लाडक्या गणरायाची मनोभावे पूजा केल्यानंतर घरगुती गणपतींसह सार्वजनिक मंडळांच्या गणपतींना आज निरोप देण्यात येणार आहे. हा दिवस लहान मुलांसोबत मोठ्यांसाठी देखील भावूक करणारा असतो.

बाप्पाची सेवा केल्यानंतर आज थाटामाटात बाप्पाच्या मुर्तीचे विसर्जन केले जाणार आहे. गणपती बाप्पा मोरया, पुढच्या वर्षी लवकर या या नाम घोषात बाप्पाला आज निरोप दिला जाईल. गणपती विसर्जनासाठी मुंबई, पुण्यासह राज्यभर यंत्रणा सज्ज झालेली पाहायला मिळत आहे.

शहरात विविध ठिकाणी कृत्रिम तलावांची व्यवस्था करण्यात आली असून मुंबईतील चौपाट्यांवर पालिकेसह पोलिसांकडून चोख व्यवस्था करण्यात आली आहे. आज ढोल ताशाच्या गजरात वाजत गाजत बाप्पाला निरोप देण्यात येणार आहे.

बाप्पांच्या मिरवणुकीसाठी जोरदार तयारी सुरु आहे. ढोल ताशा पथकं वादनासाठी सज्ज होत आहे. आपल्या लाडक्या बाप्पांचे निरोप देताना गणेशभक्तांचा उत्साह आणि जल्लोष असतोच मात्र त्या सोबत पुढच्या वर्षी लवकर या…असे म्हणत भावूक देखील व्हायला होते.