थोडक्यात
दिवाळीआधी चांदीच्या दरात रेकॉर्डब्रेक वाढ
चांदीच्या दरातही 8 दिवसांत 25 हजारांची वाढ
सोन्यापाठोपाठ चांदीच्या दरातही वाढ
(Silver Price Hike ) सोन्यापाठोपाठ आता चांदीच्या दरातही मोठी वाढ होताना पाहायला मिळत आहे. जळगावच्या बाजारात सोन्यापाठोपाठ चांदीचे दराने देखील उसळी घेतली आहे. ट्रम्प यांचे टॅरिफ रेट धोरणामुळे चांदीच्या दरावर परिणाम झाल्याचा अंदाज वर्तवण्यात आला आहे.
चांदीच्या दरात मागील आठ दिवसांमध्ये 25 हजार रुपयांची मोठी वाढ झाली असून दिवाळीआधी चांदीच्या दरात रेकॉर्डब्रेक वाढ झाल्याचे पाहायला मिळत आहे. काही दिवसांपासून सोनं आणि चांदीच्या दरामध्ये चढ उतार होत आहेत.
जीएसटीसह चांदीचे दर हे 1 लाख 85 हजार आहेत, सोन्याचे भाव जीएसटीसह 1 लाख 28 हजार रुपयांवर आहेत. दिवाळी आणि लग्नसराईच्या तोंडावर सोने आणि चांदीच्या दरांचे भाव वाढल्याने सोने-चांदी खरेदी करणाऱ्या सामान्य नागरिकांची मोठी पंचाईत झाली आहे.