थोडक्यात

• राज्यात दिवाळीला सुरूवात झाली आहे

• महाराष्ट्रातील हवामानात मोठा बदल होण्याची शक्यता

• पुढचे सात दिवस पावसाची शक्यता

(Maharashtra Weather Update ) राज्यात दिवाळीला सुरूवात झाली आहे. सगळीकडे आनंद आनंद आहे. मात्र यातच आता मुसळधार पावसाचा इशारा देण्यात आला आहे. महाराष्ट्रातील हवामानात मोठा बदल होण्याची शक्यता वर्तवली आहे.

ऐन दिवाळीत अनेक जिल्ह्यांमध्ये पावसाची शक्यता वर्तवण्यात आली आहे. महाराष्ट्रात पुन्हा एकदा मुसळधार पावसाची शक्यता वर्तवण्यात आली असून याशिवाय उत्तर आणि दक्षिणेकडील काही राज्यातही मुसळधार पाऊस पडू शकतो, असं हवामान विभागाकडून सांगण्यात आलं आहे.

दक्षिण-पूर्व अरबी समुद्र आणि केरळ- कर्नाटकाच्या किनारपट्टीपासून ते लक्षद्वीपपर्यंत कमी दाबाचा पट्टा तयार झाला आहे. याच पार्श्वभूमीवर पुढचे सात दिवस पावसाची शक्यता असल्याचं हवामान विभागाकडून सांगण्यात आलं आहे. त्यामुळे महाराष्ट्रात पुन्हा एकदा जोरदार वाऱ्यासह पावसाची शक्यता आहे.