(Ladki Bahin Yojana) महाराष्ट्रातील लाडकी बहीण योजना राज्यातील महिलांसाठी अत्यंत लोकप्रिय ठरली आहे. या योजनेत लाभार्थींना 2100 रुपये मिळवून देण्याची घोषणा केली होती, परंतु त्याबाबत अद्याप कोणताही निर्णय घेतलेला नाही. या संदर्भात मोठी अपडेट आता समोर आली आहे.
मुख्यमंत्री देवेंद्र फडणवीस यांच्या नेतृत्वाखाली महायुती सरकारने विधानसभा निवडणुकांच्या काही महिन्यांपूर्वी लाडकी बहीण योजनेची घोषणा केली होती. या योजनेने महिलांमध्ये विशेष लोकप्रियता मिळवली आणि महायुतीला विधानसभा निवडणुकीत फायदा झाला, असं म्हटलं जात आहे. प्रचाराच्या दरम्यान, अनेक महायुती नेत्यांनी आश्वासन दिलं होतं की 2100 रुपये सन्मान निधी म्हणून महिलांना दिले जातील.
2100 रुपये कधी मिळतील?
महायुती सरकार सत्तेवर आलं आणि एक वर्ष पूर्ण झालं तरीही 2100 रुपयांसाठी ठोस निर्णय घेतलेला नाही. राज्यातील महिलांचे लक्ष आता याच मुद्द्यावर केंद्रित आहे.
एकनाथ शिंदे यांचे महत्त्वाचे वक्तव्य
लाडकी बहीण योजनेबाबत विरोधकांकडून वारंवार प्रश्न उपस्थित केले जात होते. यावर उपमुख्यमंत्री एकनाथ शिंदे यांनी स्पष्ट केले की, ही योजना बंद होणार नाही. “कोणतीही सत्ता असो, ही योजना कायम राहील,” असं शिंदे म्हणाले. तसेच, 2100 रुपयांच्या बाबतीत, योग्य वेळी लाडक्या बहिणींना 2100 रुपये दिले जातील, असे ते म्हणाले.
सध्या मिळणारा निधी
सध्या, या योजनेअंतर्गत महिलांच्या बँक खात्यात दरमहा 1500 रुपये जमा केले जात आहेत. पण 2100 रुपयांची प्रतीक्षा महिलांना अजूनही लागली आहे.
नोव्हेंबर आणि डिसेंबरचा हफ्ता एकत्र मिळण्याची शक्यता
सदर योजनेसाठी सरकारने केवायसी (KYC) प्रक्रिया अनिवार्य केली आहे. सुरूवातीला 18 नोव्हेंबरपर्यंत केवायसी पूर्ण करण्याची मुदत देण्यात आली होती. मात्र, आता ही मुदत वाढवून 31 डिसेंबर 2023 करण्यात आली आहे. जर केवायसी प्रक्रिया पूर्ण केली नाही, तर महिलांना हफ्ता मिळवण्यात अडचणी येऊ शकतात.
महिलांना तीन हजार रुपये मिळण्याची आशा
मिळालेल्या माहितीनुसार, नोव्हेंबर आणि डिसेंबरच्या हफ्त्यांना एकत्र देण्याची शक्यता आहे. त्यामुळे महिलांच्या खात्यात एकाच वेळी तीन हजार रुपये जमा होऊ शकतात. लाडकी बहीण योजनेला एक मोठा प्रतिसाद मिळाल्याने, या योजनेच्या पुढील व शासकीय निर्णयांसाठी राज्यातील महिलांची अपेक्षा आणि उत्सुकता वाढली आहे.
थोडक्यात
महाराष्ट्रातील लाडकी बहीण योजना राज्यातील महिलांसाठी अत्यंत लोकप्रिय ठरली आहे.
या योजनेत लाभार्थींना 2100 रुपये मिळवून देण्याची घोषणा केली होती,
परंतु त्याबाबत अद्याप कोणताही निर्णय घेतलेला नाही. या संदर्भात मोठी अपडेट आता समोर आली आहे.