रोहित शिंदे | मुंबई: माजी पर्यटन मंत्री वरळीचे आमदार आदित्य ठाकरे. (MLA Aaditya Thackeray) शिवसेनेची शकलं झाली; आणि आदित्य ठाकरेंची आक्रमकता दिवसागणिक वाढत गेली. शिंदे गटाचे 40 आमदार आणि 13 खासदारांना आदित्य ठाकरे सातत्याने राजीनामा द्या आणि पुन्हा निवडणुका लढा असं आव्हान देत राहीले. इथपर्यंत हि बाब ठीक होती.

आता थेट मुख्यमंत्र्यांना आव्हान: आता मात्र, आदित्य ठाकरेंनी कहरचं केला आहे. ठाकरेंनी थेट मुख्यमंत्री एकनाथ शिंदेंना (CM Eknath Shinde) आव्हान (Aditya Thackerays challenge to CM) दिलं आहे. शिंदेंनी राजीनामा द्यावा आणि वरळीतुन माझ्या विरूध्द निवडणुक लढावी असं आव्हान दिलं.

नरेश म्हस्केंचं प्रत्युत्तर: आता या ठाकरेंच्या आव्हानाला शिंदे गटाचे प्रवक्ते, ठाण्याचे माजी महापौर नरेश म्हस्केंनी (Naresh Mhaske) जोरदार प्रत्युत्तर दिलं आहे. आदित्य ठाकरेंनी माझ्याविरोधात ठाण्यातुन नगरसेवक पदाची निवडणुक लढावी....निवडुन यावं....आणि मग एकनाथ शिंदेंसोबत लढण्याची भाषा करावी, असं म्हस्के म्हणाले आहेत.

मुख्यमंत्री शिंदेंचं खोचक प्रत्युत्तर: आता सुरूवातीला मुख्यमंत्री एकनाथ शिंदे अशा विषयांवर भाष्य करतील असं वाटत नव्हतं. मात्र, आदित्य ठाकरेंच्या वरळीत शिंदे-फडणवीसांनी सत्कार सोहळ्याचं (Shinde Fadnavis felicitation ceremony in Worli) निमित्त साधत जोरदार शक्तीप्रदर्शन केलं, आणि याचं कार्यक्रमात शिंदेंनी आदित्य ठाकरेंना खोचक प्रत्युत्तर दिलं आहे. मी अशी छोटी आव्हाने स्विकारत नाही....असं मुख्यमंत्री एकनाथ शिंदे म्हणाले. आता हे प्रकरण पुढे काय वळण घेतं ते पाहणं औत्सुक्याचं ठरणार आहे.