राष्ट्रवादी काँग्रेसची जनसन्मान यात्रा सुरु आहे. आज राष्ट्रवादी काँग्रेसची जनसन्मान यात्रा बारामती आणि फलटणमध्ये येणार आहे. या यात्रेला उपमुख्यमंत्री अजित पवार, प्रफुल्ल पटेल, खासदार सुनेत्रा पवार , सुनील तटकरे उपस्थित राहणार आहेत .
याच पार्श्वभूमीवर बारामती विधानसभा निवडणुकीसाठी आज अजित पवार मोठी घोषणा करण्याची शक्यता वर्तवण्यात येत आहे. काही दिवसांपूर्वी अजित पवार यांनी म्हटले होते की, त्यांना विधानसभा निवडणूक लढविण्यात रस नाही.
त्यामुळे आता अजित पवार बारामतीतून स्वतः लढणार की जय पवार यांना उमेदवारी घोषित करणार याकडे लक्ष लागले असून बारामतीच्या उमेदवारीबाबत अजित पवार काय घोषणा करतात हे पाहणं महत्वाचे ठरणार आहे.