ram mandir amit shah Team Lokshahi
राजकारण

अयोध्येतील राम मंदिर कधी होणार तयार? अमित शहांनी तारीखच सांगितली

जनविश्वास यात्रेच्या सभेत अमित शहा यांनी राम मंदिर उभारणीची तारीख उघड केली.

Published by : Shweta Shigvan-Kavankar

नवी दिल्ली : उत्तर प्रदेशातील अयोध्येतील निर्माणाधीन राम मंदिराचे उद्घाटनाची तारीख केंद्रीय गृहमंत्री अमित शहा यांनी घोषित केली आहे. राम मंदिर १ जानेवारी २०२४ रोजी सर्वांसाठी खुले होणार आहे. जनविश्वास यात्रेच्या सभेत अमित शहा यांनी ही माहिती दिली आहे. विशेष म्हणजे देशात २०२४ मध्येच लोकसभेच्या निवडणुका होणार आहेत. अशा स्थितीत राम मंदिराच्या उद्घाटनाची तारीखही भाजपच्या मतांच्या राजकारणाशी जोडली जात आहे.

अमित शहा म्हणाले की, 2019 मध्ये राहुल गांधी विचारायचे मंदिर कधी बांधणार? मला त्यांना सांगायचे आहे, कान उघडून ऐका १ जानेवारी २०२४ रोजी तुम्हाला अयोध्येत गगनचुंबी राम मंदिर तयार झालेले दिसेल. तुम्ही सर्व तिकीट काढून ठेवा, असे त्यांनी तेथे उपस्थित लोकांना सांगितले. काँग्रेसने न्यायालयात राम मंदिराच्या उभारणीत अडथळे आणले, असा आरोपही त्यांनी यावेळी केला.

अनेक दशके जुना प्रश्न सोडवत सर्वोच्च न्यायालयाने अयोध्येत राम मंदिराच्या उभारणीचा मार्ग मोकळा केला. सर्वोच्च न्यायालयाच्या निर्णयानंतर पंतप्रधान नरेंद्र मोदी यांनी मंदिराच्या बांधकामाला सुरुवात केली. पंतप्रधान नरेंद्र मोदी यांनी 5 ऑगस्ट 2020 रोजी अयोध्येत राम मंदिराच्या बांधकामासाठी भूमिपूजन केले आणि मंदिराची पायाभरणी केली. मंदिर उभारणीची पायाभरणी होताच भाजपच्या राम मंदिराच्या आंदोलनाला मूर्त रूप आले. पुढील वर्षी अयोध्येत राममंदिर तयार करून घेऊ, असे अमित शहांनी म्हंटले आहे.

दरम्यान, राम मंदिराच्या भूमिपूजनानंतर पंतप्रधान मोदींनी उपस्थित लोकांना संबोधित केले. पीएम मोदींनी आपल्या भाषणाची सुरुवात जय श्री रामच्या घोषणांनी केली. ते म्हणाले होते की, जय सिया रामचा नारा आज केवळ अयोध्येतच नाही तर संपूर्ण जगात गुंजत आहे. आज शरयूच्या काठावर एक सुवर्ण अध्याय लिहिला जात आहे. आज शतकानुशतकांची प्रतीक्षा आज संपत आहे, असे त्यांनी म्हंटले होते.

Mohammad Kaif On Jasprit Bumrah Captaincy: बुमराहाला कर्णधारपद देण्याआधी दोनदा विचार करावा! जसप्रीतच्या कॅप्टन्सीवर मोहम्मद कैफचे ट्वीट

Chhatrapati Sambhajinagar : खरीप हंगामासाठी शेतकऱ्यांना पीक कर्ज वाटप; 375 गावांमध्ये 'अर्ज द्या, कर्ज घ्या' उपक्रम राबवला

OnePlus Nord 5 : वनप्लसची नवी उत्पादने जागतिक बाजारपेठेत दाखल; स्मार्टफोनसह इअरबड्स, टॅबलेट, पॅड आणि स्मार्ट वॉच लाँच

Dhurandhar Film : रणवीर सिंहच्या ‘धुरंधर’ चित्रपटात ‘राहुल गांधी’ नाव पाहून गोंधळ; जाणून 'घ्या' Fact Check

Teachers Protest : अधिवेशन संपेपर्यंत शिक्षकांच्या खात्यात जमा होणार इतका पगार; गिरीश महाजन यांनी दिले आश्वासन