देशात सर्वत्र नवरात्री उत्सव मोठ्या उत्साहात पार पडत आहे. ठिकठिकाणी गरबा कार्यक्रमाचे आयोजन करण्यात आलेय. नागरिकांचा देखील या कार्यक्रमांना भरभरून प्रतिसाद मिळत आहे. यासोबत राजकीय मंडळीही या कार्यक्रमाला उपस्थिती लावत आहे. त्यातच उपमुख्यमंत्री देवेंद्र फडणवीस यांच्या पत्नी अमृता फडणवीस यांनी नागपुरातील एका कार्यक्रमाला उपस्थिती लावली होती. यावेळी त्यांनी देवेंद्र फडणवीसांसाठी खास उखाणाही घेतला आहे. तो उखाणा सध्या प्रचंड व्हायरल होत आहे.
नेमका काय घेतला अमृता फडणवीसांनी उखाणा?
नागपूरमध्ये एका गरबा कार्यक्रमाला अमृता फडणवीस यांनी हजेरी लावली. यावेळी त्यांनी त्याठिकाणी गरबा खेळण्याचा आनंद लुटला. तसेच महाराष्ट्रातील सर्वांना त्यांनी नवरात्रीच्या शुभेच्छा दिल्या. या कार्यक्रमात त्यांनी उपमुख्यमंत्री देवेंद्र फडणवीस यांच्यासाठी खास उखाणाही घेतला आहे. “मी फिरते मळ्यात, नजर माझी तळ्यात… देवेंद्रजी सारखे रत्न पडले माझ्या गळ्यात…” असा उखाणा अमृता फडणवीसांनी घेतला आहे. त्यांच्या या उखाण्याची सोशल मीडियावर चर्चा आहे.