(Raj Thackeray - Uddhav Thackeray ) राज्य सरकारने हिंदी सक्तीचे दोन्ही जीआर रद्द केल्यानंतर उद्धव ठाकरे यांनी विजयी मेळाव्याची घोषणा केली आहे. ही विजयी सभा 5 तारखेला होणार आहे. या मेळाव्याकडे आता सर्वांचे लक्ष लागले आहे.

याच पार्श्वभूमीवर आता मुंबईत बॅनरबाजी करण्यात आली आहे. 'ठाकरे साहेब सभा झाल्यावर फक्त आदेश द्या कोणकोणत्या मराठी महाराष्ट्रद्रोही लोकांना सरळ करायचे आहे. आम्ही आदेशाची वाट पाहत आहोत.' असे या बॅनरवर लिहिण्यात आले आहे.

वरळी डोम येथे हा विजयी मेळावा पार पडणार आहे. उद्धव ठाकरे आणि राज ठाकरेंचे एकत्र फोटो असलेले बॅनर मुंबईत पाहायला मिळत आहे. या विजयी मेळाव्यातून ठाकरे बंधू काय बोलणार याकडे सर्वांचे लक्ष लागले आहे.