थोडक्यात बातमी वाचण्यासाठी खाली स्क्रोल करा...
(Breaking ) येत्या 15 जानेवारी 2026 रोजी महापालिका निवडणुकीसाठी मतदान होणार आहे, तर 16 जानेवारी 2026 रोजी मतमोजणी होणार असून 2869 जागांसाठी ही निवडणूक होणार आहे. 23 डिसेंबर ते 30 डिसेंबर या कालावधीमध्ये महापालिका निवडणुकीसाठी उमेदवारांना आपले उमेदवारी अर्ज दाखल करता येणार आहेत, तर 31 डिसेंबर रोजी उमेदवारांच्या अर्जाची छाननी होणार आहे. तर 2 जानेवारी 2026 पर्यंत उमेदवारांना आपले अर्ज मागे घेता येणार आहेत.
3 जानेवारी रोजी चिन्हाचं वाटप होणार असून 15 जानेवारी 2026 रोजी मतदान होणार आहे. महापालिका निवडणुकांसाठी सर्वच राजकीय पक्ष तयारीला लागले आहेत. जागावाटपाबाबत अनेक बैठकांचे आयोजन करण्यात येत आहे. याच पार्श्वभूमीवर आता मुंबई महापालिका जागा वाटपात 2017चा फॉर्म्युला नसल्याची माहिती मिळत असून शिवसेनेच्या प्रस्तावाला भाजपकडून बगल देण्यात आल्याची चर्चा सुरू आहे.
जागा वाटपात 'निवडून येणे' हाच एक निकष मानला जाणार असल्याची माहिती मिळत आहे. 2017 साली मुंबईत शिवसेनेचे 84 नगरसेवक होते. शिवसेनेने दावा केलेल्या 84 जागा सोडण्यास भाजपचा स्पष्ट नकार असून निवडून येण्याच्या निकषानुसार शिवसेनेला 52 तर भाजपला 90 जागा अशी माहिती मिळत आहे.
Summery
शिवसेनेच्या प्रस्तावाला भाजपकडून बगल?
मुंबई महापालिका जागावाटपात 2017चा फॉर्म्युला नाहीच?
जागा वाटपात 'निवडून येणे' हाच एक निकष मानला जाणार