नांदेड लोकसभा मतदारसंघात 20 नोव्हेंबरला पोटनिवडणूक होणार आहे. निवडणूक आयोगाने तीन लोकसभा मतदारसंघामध्ये पोटनिवडणूक कार्यक्रम जाहीर केला आहे. यामध्ये महाराष्ट्रातील नांदेडची पोटनिवडणूकही जाहीर करण्यात आली आहे.

नांदेडमधील काँग्रेसचे खासदार वसंत चव्हाण यांचं निधन झाल्यामुळे ही जागा रिकामी झाली. याच पार्श्वभूमीवर विधानसभा निवडणुकीसोबतच नांदेड लोकसभेची पोटनिवडणूक देखील जाहीर झाली आहे.

याच पार्श्वभूमीवर आता भाजपमधून नांदेडच्या लोकसभा पोट निवडणुकीसाठी काही नावे समोर येत आहेत तर यामध्ये कोणाला उमेदवारी मिळणार हे पाहणं महत्वाचे ठरणार आहे. यावर प्रतिक्रिया देत माध्यमांशी बोलताना चंद्रशेखर बावनकुळे म्हणाले की, का नाही लढणार? आमची सीट आहे आणि आम्हीच लढणार आहे. एकनाथजी आणि अजितदादांनी त्याला मान्यता दिली आहे. असे बावनकुळे म्हणाले.