विधानसभा निवडणुकीच्या पार्श्वभूमीवर राजकीय पक्ष तयारीला लागले आहे. निवडणुकांचे बिगुल वाजले असून निवडणुकांच्या तारखा जाहीर झाल्या आहेत. 20 नोव्हेंबर रोजी विधानसभा निवडणूक पार पडणार असून 23 नोव्हेंबरला निवडणुकांचे निकाल लागणार आहेत.

राजकीय पक्ष अनेक बैठका, पत्रकार परिषद घेत असून राजकीय वर्तुळात अनेक घडामोडी घडताना पाहायला मिळत आहेत. याच पार्श्वभूमीवर आता निवडणुकीच्या तोंडावर भाजपला रत्नागिरीमध्ये मोठा धक्का बसणार आहे.

भाजपचे माजी आमदार बाळ माने शिवसेना उद्धव बाळासाहेब ठाकरे पक्षात प्रवेश करणार असून आज दुपारी 1 वाजता मातोश्रीवर बाळ माने यांचा पक्षप्रवेश होणार आहे.

उदय सामंत यांना उमेदवारी जाहीर झाली आहे. तर दुसरीकडे शिवसेना उद्धव बाळासाहेब ठाकरे पक्षाचा उमेदवार देखील जवळपास निश्चित झाला असल्याची माहिती मिळत आहे. उद्धव ठाकरे उदय सामंतांविरोधात बाळ माने यांना उमेदवारी देण्याची शक्यता वर्तवण्यात येत आहे.