(Eknath Shinde vs Uddhav Thackeray) महाराष्ट्रात पुन्हा एकदा मोठा राजकीय भूंकप होण्याची चिन्ह निर्माण झाली आहेत. ठाकरेंच्या शिवसेनेचे 5 खासदार हे एकनाथ शिंदे यांच्या संपर्कात असल्याची खात्रीलायक सूत्रांनी माहिती दिली आहे. शिवसेनेकडून पुन्हा एकदा ऑपरेशन टायगर राबवलं जात असून ठाकरेंना मोठा धक्का बसण्याची शक्यता आहे.

लोकसभा निवडणुकीत ठाकरेंच्या शिवसेनेचे 9 खासदार निवडून आले होते. विधानसभेतील पराभव आणि एकूण राजकीय परिस्थिती बघता ठाकरे गटाला गळती लागलेली आहे. आता 5 खासदार ठाकरेंची साथ सोडण्याच्या चर्चेने जोर पकडलाय.

राजकीय भवितव्याची चिंतेमुळे अनेकजण ठाकरेंची साथ सोडत असल्याचं बोललं जात असून ठाकरेंचे कोणते 5 खासदार शिंदे गटात प्रवेश करणार त्यांच्या नावाची सध्या जोरदार चर्चा रंगली आहे.