(Raj Thackeray ) इगतपुरीत मनसेचं 3 दिवसीय शिबीर आयोजित करण्यात आले आहे. या शिबीरामध्ये मनसे अध्यक्ष राज ठाकरे नेत्यांना, पदाधिकाऱ्यांना मार्गदर्शन करणार आहेत. आगामी स्थानिक स्वराज्य संस्थांच्या निवडणुकांच्या पार्श्वभूमीवर हे शिबिर महत्त्वाचे मानले जात आहे.

या शिबिराच्या माध्यमातून मनसे नाशिकमधून स्थानिक स्वराज्य संस्थांच्या निवडणुकीचे रणशिंग फुंकणार असल्याची माहिती मिळत आहे. तीन दिवसीय शिबिरामध्ये पक्षाच्या धोरणांवर आणि आगामी निवडणुकांच्या रणनीतीवर विचारमंथन केले जाणार आहे.

राज्यभरातील पदाधिकारी आणि कार्यकर्ते या शिबिरात सहभागी झाले आहेत. ठाकरेंची शिवसेना आणि मनसेच्या मराठीच्या मुद्द्यावर झालेल्या विजयी मेळाव्यानंतर मनसेचे हे पहिलेच शिबिर आहे.