लोकसभा निवडणूकीत राज्यात 48 पैकी 30 जागा जिंकणाऱ्या महाविकास आघाडीनं विधानसभेची निवडणूकही सोबत लढवण्याचा निर्णय घेतला आहे. विधानसभा निवडणुकीला 4 महिन्यांचा अवधी शिल्लक आहे. अशातच आता राजकीय वर्तुळातील सर्वात मोठी बातमी समोर आली आहे. विधानसभेसाठी महाविकास आगाडीच्या वतीने जागावाटपाची चाचपणी सुरु झाली आहे. काँग्रेस सर्वाधिक 100 ते 105 जागा लढू शकते असं सूत्रांकडून कळालं आहे. शिवसेना उद्धव बाळासाहेब ठाकरे पक्ष 90 ते 95 जागा लढवण्याची शक्यता आहे. तर राष्ट्रवादी शरदचंद्र पवार पक्ष 80 ते 85 जागा लढू शकते अशी आपल्यापर्यंत आली आहे.