विधानपरिषदेचे विरोधी पक्षनेते अंबादास दानवेंचं पाच दिवसांसाठी सभागृहातून निलंबन करण्यात आलं आहे. विधानपरिदेचे विरोधी पक्षनेते अंबादास दानवे काल सभागृहात आक्रमक झालेले पाहायला मिळाले. त्यानंतर त्यांनी भाजपचे पक्षनेते प्रसाद लाड यांच्यावर शिवीगाळ करण्यास सुरुवात केली.
विधिमंडळाच्या इतिहासात विरोधी पक्षनेत्याचं पहिल्यांदाच निलंबन झाल्याचं पाहायला मिळत आहे. शिवीगाळ प्रकरणात उपसभापतींकडून निलंबनाची कारवाई करण्यात आली आहे. विरोधकांच्या कामकाजावर बहिष्कार टाकण्यात आलं आहे. निलंबनाच्या कारवाईनंतर सभागृहात गदारोळ झाल्याचं पाहायला मिळालं.