दिल्ली सरकारचे प्रशासकीय अधिकाऱ्यांच्या बदल्यांचे अधिकार कमी करण्यासंबंधी आणि ते केंद्राच्या हाती घेण्यासंबंधीत दिल्ली सेवा विधेयक 2 ऑगस्ट रोजी लोकसभेत मांडण्यात आले होते. आजपासून संसदेच्या पावसाळी अधिवेशनाच्या शेवटची आठवड्याला सुरूवात होणार आहे.

केंद्रीय गृहमंत्री अमित शाह आज राज्यसभेत दिल्ली सेवा विधेयक सादर करणार आहेत. दिल्ली सेवा विधेयकामुळे पावसाळी अधिवेशनाचा शेवटचा आठवडा वादळी ठरण्याची शक्यता वर्तवण्यात येत आहे.

विरोधी पक्षाने तयारी केली असून रविवारी आम आदमी पार्टी आणि काँग्रेसने खासदारांना व्हिप जारी केला आहे. आम आदमी पार्टीने राज्यसभेच्या खासदारांना 7 आणि 8 ऑगस्टला सभागृहात उपस्थित राहण्यासाठी व्हिप बजावला आहे.