राष्ट्रवादीचे नेते अजित पवार यांनी शिंदे-फडणवीस यांच्यासोबत हातमिळवणी करत उपमुख्यमंत्री पदाची शपथ घेतली. यामुळे राज्यामध्ये मोठा राजकीय भूकंप झाला. अजित पवार यांचा भावी मुख्यमंत्री म्हणून अनेकदा उल्लेख केला जात आहे. यावरुन अनेक चर्चा रंगल्या आहेत. अनेक प्रतिक्रिया देखिल यावर येत आहेत.
याच पार्श्वभूमीवर आता प्रफुल्ल पटेल यांनी प्रतिक्रिया दिली आहे. प्रफुल्ल पटेल म्हणाले की, अजितदादा आज ना उद्या मुख्यमंत्री होतील. अजितदादा महाराष्ट्राचे वजनदार आणि लोकप्रिय नेते आहेत. ते आमच्या पक्षाचे नेतृत्व आज नाही अनेक वर्षापासून करत आहेत. काम करणाऱ्या माणसाला आज ना उद्या संधी ही मिळतेच असे प्रफुल्ल पटेल म्हणाले.