कराड : राज्यात सध्या प्रचंड राजकीय गोंधळ सुरू आहे. त्यातच दुसरीकडे संभाजी भिडे यांच्या वक्तव्यावरून राजकीय वर्तुळात चांगलेच वातावरण तापलेय. यासोबतच त्यांच्या वक्तव्याचे आता राज्यभरात पडसाद उमटण्यास सुरूवात झाली आहे. त्यातच माजी मुख्यमंत्री पृथ्वीराज चव्हाण यांनी संभाजी भिडे यांच्या वक्तव्याचा मुद्दा हा विधिमंडळात मांडला. याच रागातून पृथ्वीराज चव्हाण यांना धमकीचा फोन आला आहे.

राज्यातील विविध ठिकाणासह भिडेंच्या वक्तव्याचे विधिमंडळातही पडसाद पाहायला मिळाले. काँग्रेस नेते माजी मुख्यमंत्री पृथ्वीराज चव्हाण यांनी हा मुद्दा विधिमंडळात मांडला. याच रागातून आता चव्हाण यांना धमकीचा फोन करण्यात आला आहे. त्यानंतर पोलिसांनी तात्काळ चव्हाण यांच्या निवासस्थानी पोलिसांचा बंदोबस्त तैनात केला आहे. या धमकी प्रकरणी कराड पोलिसात अज्ञातावर गुन्हा दाखल करण्यात आला आहे. पोलिसांकडून याबाबत पुढील तपास सुरू आहे.