गेल्या काही दिवसांपासून संपूर्ण देशभरात लोकसभा निवडणुकीची रणधुमाळी सुरु आहे. लोकसभेची सात टप्प्यातील मतदान प्रक्रिया पार पडली आहे. इंडिया आघाडी विरुद्ध महायुती असा राजकीय संघर्ष राज्यासह देशभरात पाहायला मिळत आहे. अशातच लोकसभेचा आजचा निकाल पाहण्याची देशभरातील नागरिकांची उत्सुकता शिगेला पोहोचली आहे. आज ४ जूनला लोकसभा निवडणुकीचा निकाल जाहीर झाला आहे.
काँग्रेस नेते राहुल गांधी रायबरेली मतदारसंघातून ४ लाख मतांनी विजयी झाले आहेत. संपूर्ण देशभरात भारत जोडो यात्रेच्या माध्यमातून भाजप सरकारला धारेवर धरणाऱ्या राहुल गांधींना जनतेनं कौल दिला आहे. तसच या लोकसभा निवडणुकीत राहुल गांधींच्या नेतृत्वात उतरलेल्या इंडिया आघाडीनं भाजपच्या महायुतीला काँटे की टक्कर दिली आहे.