गिरीश कांबळे | मुंबई: स्वर्गीय आमदार रमेश लटके यांच्या अंधेरी पुर्व मतदार संघात लागलेल्या पोटनिवडणूकीची सध्या संपुर्ण राज्यभर चर्चा आहे. याचं कारण म्हणजे 'शिवसेना उद्धव बाळसाहेब ठाकरे' या पक्षाने स्वर्गीय आमदार रमेश लटके यांच्या पत्नी ऋतुजा लटके यांना उमेदवारी देण्याचं जाहीर केल्यानंतर एकनाथ शिंदेंच्या 'बाळासाहेबांची शिवसेना' या पक्षाने पक्षचिन्ह व पक्षनावाबाबत न्यायालयात घेतलेली धाव व त्यानंतर ऋतुजा लटके यांच्या राजीनाम्याबद्दलचं रणकंद.
आज न्यायालयाने मुंबई महापालिकेला लटकेंचा राजीनामा स्विकारण्याचे आदेश दिल्यामुळे ऋतुजा लटके यांच्यसह उद्धव ठाकरे गटाला मोठा दिलासा मिळाला आहे. उद्धव ठाकरे गटातील कार्यकर्त्यांनी मोठा जल्लोष केला आहे. तर, उद्या सकाळी 11 वाजोपर्यंत त्यांचा स्विकारलेला राजीनामा त्यांच्या हातात मिळणार आहे व त्यानंतर उद्याच त्या उमेदवारी अर्ज भरणार आहेत.
आज हायकोर्टाच्या निकालानंतर ऋतुजा लटके यांनी मातोश्रीवर जाऊन उद्धव ठाकरे यांची भेट घेतली. यावेळी अनिल परब देखील उपस्थित होते.