मराठा आरक्षणाचा मुद्दा चांगलाच गाजत आहे. मनोज जरांगे पाटील यांचा महाराष्ट्र दौरा सध्या सुरू आहे. अनेक ठिकाणी मनोज जरांगे पाटील यांच्या सभा पार पडत आहेत. यावरुन राजकीय वर्तुळातून अनेक प्रतिक्रिया येत आहेत.
याच पार्श्वभूमीवर आता मराठा आरक्षणासाठी संभाजीराजे छत्रपती दिल्लीला जाणार असल्याची माहिती मिळत आहे. उद्या केंद्रीय मागासवर्ग आयोगाची ते भेट घेणार आहेत. मराठा समाजातील अनेक मराठा पदाधिकाऱ्यांच शिष्टमंडळ घेऊन संभाजीराजे आयोगासोबत बैठक घेणार आहेत. उद्या दुपारी दिल्लीत केंद्रीय मागासवर्ग आयोगाच्या कार्यालयात बैठक पार पडणार आहेत. मराठा आरक्षणासाठी केंद्रीय स्तरावर प्रयत्न करण्यासाठी संभाजीराजे दिल्लीला जात असल्याची माहिती मिळत आहे.