राजकारण

ठाकरे गटाला गळती सुरूच; केसरकर शिंदेंच्या गोटात सामील

Deepak Kesarkar यांच्यासह तीन आमदार गुवाहाटीमध्ये दाखल

Published by : Shweta Shigvan-Kavankar

मुंबई : मुख्यमंत्री आणि शिवसेनाप्रमुख उध्दव ठाकरे (Uddhav Thackeray) यांनी बुधवारी बंडखोर आमदारांना भावनिक आवाहन केले. परंतु, यानंतरही ठाकरे गटाला गळती सुरुच असून दीपक केसकर (Deepak Kesarkar) व रामटेकचे आशिष जैस्वाल हेही गुवाहटीला दाखल झाले आहेत. यामुळे एकनाथ शिंदेंचे (Eknath Shinde) संख्याबळ वाढणार आहे.

उध्दव ठाकरे वर्षा बंगला सोडून मातोश्रीवर दाखल झाले. यावेळी शिवसैनिकांनी मोठ्या प्रमाणात शक्तीप्रदर्शन केले. यानंतरही एकनाथ शिंदे गटात सामील होणाऱ्या आमदारांची संख्या वाढतच आहेत. आजही दीपक केसकर यांच्यासह चार जण गुवाहटीतील हॉटेलमध्ये दाखल झाले आहेत. यात ठाणे लोकसभा खासदार राजन विचारे, वाशिमच्या खासदार भावना गवळी आणि रामटेकचे खासदार कृपाल तुमाने, आशिष जैस्वाल, पालघरचे खासदार राजेंद्र गावित यांचा समावेश आहे. त्यामुळे शिवसेना अजूनही धक्क्यातून सावरत नसल्याचे दिसते.

शिवसेनेने भाजपासोबत जावे, ही आजही माझी भूमिका आहे. यासाठी गेली दोन वर्षे मी प्रयत्न करीत आहे. या संदर्भात आजही चाललेल्या चर्चेत माझा खारीचा वाटा आहे. त्यामुळे पक्षप्रमुख म्हणून उध्दव ठाकरेंनी योग्य तो निर्णय घ्यावा, असे मत दिपक केसरकर यांनी बुधवारी मांडले होते. दरम्यान मला जायचे असेल तर मी आजही जावू शकतो. मला कोणीही अडवू शकत नाही. त्यासाठी "मी" कोणाची दादागिरी खपवून घेणार नाही. मात्र "मी" आजही पक्षाशी प्रामाणिक राहिलो. त्यामुळे मला जाण्यासाठी कोणी भाग पाडू नये, असा टोला त्यांनी लगावला होता. यानंतर आज ते शिंदे यांच्या गटात सामील झाले.

Mohammad Kaif On Jasprit Bumrah Captaincy: बुमराहाला कर्णधारपद देण्याआधी दोनदा विचार करावा! जसप्रीतच्या कॅप्टन्सीवर मोहम्मद कैफचे ट्वीट

Uttar Pradesh News : केसाची क्लिप आणि छोटा पॉकेट चाकू, रेल्वे स्टेशनवर महिलेची प्रसूती; नेमकं प्रकरण काय?

Shubman Gill : 'त्या' प्रकरणामुळे शुभमन गिल अडचणीत? BCCI कडून कारवाईची शक्यता

MNS Leader Video Viral : मनसे नेत्यांच्या मुलाचा 'त्या अवस्थेतील' Video Viral; अभिनेत्रींला केली शिवीगाळ

Latest Marathi News Update live : पुढील २४ ते ४८ तासांसाठी विदर्भाला ऑरेंज अलर्ट