अमित शहा यांना आव्हान तुमचे कोणते डाव पेच पूर्ण होणार नाही. मुस्लिम सुद्धा आमच्या सोबत, अमराठी आमच्यासोबत, मी कोरोनात सर्वांचे काम केले आहे. हीच आमची शिकवण आहे.
रक्तपात झाला तर शिवसैनिकांचा होईल, कमळाबाई साफ राहील हा डाव मला पूर्ण होऊ देयचा नाही. देवेंद्र फडणवीस यांच्या आयुष्यातील हि शेवटीची निवडणूक, पण मी म्हणलं आपल्या आयुष्यातील ही पहिली निवडणूक
ठाणे, पारघार मध्ये मुली विकल्या जाता आहेत आणि मुख्यमंत्री फिरता आहेत.
कोरोना परिस्थितीत आम्ही जशी मुंबई सांभाळली त्याची दाखल परदेशातील लोकांना घेतली, पण या कमळाबाईला काही नाही. सकाळी उठून जर हे स्वतःचा चेहरा आरश्यात बघतील तरी म्हणतील भष्ट्राचार भष्ट्राचार असे हे लोक.
आमच्यावर अनेक आरोप झाले वंशवाद, घराणेशाही असं काही. पण मला माझ्या घराण्याचा अभिमान आहे. तुमचा वंश कुठला? सगळे बाहेरचे घेतले भरले आहेत.
वेदांत गेल्यानंतर धादांत खोटे बोले, दिल्लीत मुजरा मारायला गेले. मुजरा करता पण दिल्लीला ठणकावून का नाही बोलत की महाराष्ट्रातून प्रकल्प का गेला.
मुंबई आमच्यासाठी ही मातृभूमी आहे, आमची आई आहे. या आईवर चाल करून येणार्‍याचा कोथळा काढल्याशिवाय राहणार नाही
मुंबईवर हक्क सांगण्याचा हट्ट करू नका, मुंबईचा कमळा बाईचा काय संबंध. मुंबईवर लचके तोडणारी गिधाड, त्यांची औलाद फिरायला लागली आहे. शिवाजी महाराजांच्या काळात देखील आदिल शहा, हे शहा, ते शहा असे अनेक चाल करून आलेले. गिधाडांना मुंबईचे लचका तोडू देऊ नका.
दसरा मेळावा आपल्या परंपरे प्रमाणे शिवतिर्थावर होणार, आजच एवढी गर्दी आहे. तर मेळाव्याला किती राहील
उद्धव ठाकरे सहकुटुंब गोरेगावच्या नेस्को सेंटरमध्ये दाखल झाले आहे. थोड्याच वेळात ते शिवसैनिकांना संबोधित करतील.
मुंबईतील शाखांमधून शिवसैनिकांच्या गाड्या गोरेगाव नेस्कोसाठी निघाल्या आहेत. नेस्को सेंटरच्या गेटवर माजी मंत्री अनिल परब, आमदार सुनील प्रभू, अनिल देसाई दाखल झाले आहेत. गोरेगाव नेस्को सेंटरमध्ये गटप्रमुख मोठ्या संख्येने मुंबईत दाखल झाले आहेत.
काही वेळातच उद्धव ठाकरे यांच्या सभेला सुरवात होणार आहे. मात्र त्या सभेआधीच शिवसेनेला गजानन किर्तीकर यांनी घरचा आहेर दिला आहे. ते म्हणाले, शिवसेना आणि भाजप युती नैसर्गिक होती. राष्ट्रवादी सोबतचा प्रयोग आता संपला आहे. असे विधान त्यांनी केले आहे. ते सुद्धा या सभेला उपस्थित आहे. त्याच दरम्यान त्यांनी हे विधान केले आहे.