(Rain Update ) गेल्या अनेक दिवसांपासून विश्रांती घेतलेल्या पावसाने पुन्हा एकदा हजेरी लावली आहे. राज्यात अनेक भागात मुसळधार पाऊस पडत आहे.राज्यभरात पुन्हा एकदा पावसाचा जोर वाढणार असून दोन कोकण किनारपट्टीसह पुणे, सांगली, सातारा व मराठवाड्यातही पावसाचा जोर वाढला आहे.
आज राज्यात अनेक ठिकाणी मध्यम ते जोरदार पावसाची शक्यता वर्तविण्यात आली आहे. अनेक ठिकाणी मुसळधार पावसामुळे नदी नाल्यांना पूर आला असून जनजीवन विस्कळीत झाले आहे. पालघर पुणे घाटमाथ्यावर मुसळधार पाऊस पाडण्याची शक्यता वर्तवण्यात आली असून रेड अलर्ट जारी करण्यात आला आहे.
मुंबई ,ठाणे, रायगड, रत्नागिरी, सिंधुदुर्ग, नाशिक, जळगावला, ऑरेंज अलर्ट जारी करण्यात आला आहे. शुक्रवारी राज्यातील अनेक जिल्ह्यात मुसळधार पाऊस पडला, आजही अनेक ठिकाणी मुसळधार पाऊस पडण्याची शक्यता असून समुद्र खवळण्याची शक्यता वर्तवण्यात आली आहे. मोठ्या उंचीच्या लाटा उसळण्याची शक्यता असल्याने समुद्र किनारी आणि समुद्रात लहान बोटी न घेऊन जाण्याच्या सूचना देण्यात आल्या आहेत.