(Maharashtra Weather Update ) राज्यभरात पावसाचा जोर कायम असून हवामान विभागाने विविध जिल्ह्यांत वादळी वाऱ्यांसह पावसाचा इशारा दिला आहे. काही दिवसांपासून पावसाने विश्रांती घेतली होती. उकाड्याने नागरिक हैराण झाले आहेत. यातच आता आजपासून पुन्हा पावसाला सुरुवात होणार असल्याचा अंदाज वर्तवण्यात आला आहे.

राज्यात पावसाचा अलर्ट देण्यात आला असून राज्यात विजांसह जोरदार पावसाचा अंदाज वर्तवण्यात आला आहे. मुंबईसह कोकणात पावसाचा जोर वाढणार असून पुण्यासह पश्चिम महाराष्ट्रातही मुसळधार पावसाचा अंदाज वर्तवण्यात आला आहे. कोकणासह घाटमाथ्यावर मॉन्सूनचा पाऊस जोर धरण्याची शक्यता आहे. आज रायगड आणि रत्नागिरी जिल्ह्यांत मुसळधार पावसाची शक्यता असल्याने या 2 जिल्ह्यांना रेड अलर्ट देण्यात आला आहे.

पुणे, कोकण आणि घाटमाथ्यावर जोरदार पावसाचा इशारा देण्यात आला असून ऑरेंज अलर्ट जारी करण्यात आला आहे. उर्वरित राज्यात मध्यम ते जोरदार सरींची शक्यता असल्याने हवामान विभागाकडून सतर्कतेचा इशारा देण्यात आला आहे.