महाराष्ट्रातील नुकत्याच पार पडलेल्या २९ महापालिका निवडणुकांमध्ये सत्ताधारी भाजपला घवघवीत यश मिळाले असले तरी चंद्रपूर महानगरपालिकेत मात्र वेगळेच राजकीय गणित रंगले आहे. येथे काँग्रेसने २७ जागा जिंकून सर्वात मोठा पक्ष म्हणून वर्चस्व प्रस्थापित केले आहे. भाजप २३ जागांवर दुसऱ्या क्रमांकावर असला तरी सत्तास्थापनेसाठी दोघांनाच तिसऱ्या पक्षाची मदत आवश्यक आहे. या संदर्भात भाजपने आता मोठी खेळी खेळली असून, ठाकरे गटाच्या शिवसेनेला थेट महापौरपदाची ऑफर दिल्याची माहिती सूत्रांनी दिली आहे.
या निवडणुकीत केवळ सहा जागा जिंकलेल्या ठाकरेसेना शिवसेनेला महापौरपदाची जबाबदारी देण्याचा प्रस्ताव भाजपने मांडला आहे. महायुतीच्या वरिष्ठ नेत्यांच्या इशाऱ्यावरून ही हालचाल सुरू असल्याचे सांगितले जाते. काँग्रेसला सत्तेपासून दूर ठेवण्याच्या उद्देशाने ही रणनीती आखण्यात आली असून, यामुळे चंद्रपूरच्या राजकारणात खळबळ उडाली आहे. काँग्रेस नेते मात्र या ऑफरला फारसे महत्त्व देत नसल्याचे म्हटले तरी सत्तास्थापनेचा पेच सुटण्याऐवजी अधिक रंगतदार झाला आहे.
राज्यातील इतर महापालिकांमध्ये भाजपने आपले वर्चस्व कायम ठेवले असले तरी चंद्रपूरमधील हे नवे समीकरण राज्याच्या राजकारणाला नवे वळण देणारे ठरेल का, अशी चर्चा राजकीय वर्तुळात सुरू आहे. ठाकरेसेना या ऑफरला होकार देणार का आणि याचा काँग्रेसवर काय परिणाम होणार, याबाबत प्रत्यक्ष निर्णय येण्याची प्रतीक्षा आहे. चंद्रपूरकर नागरिकांच्या डोळ्यावर आता सत्तास्थापनेचे हे 'तिघांचे खेळ' आहे.