थोडक्यात बातमी वाचण्यासाठी खाली स्क्रोल करा...
(Manikrao Kokate) राज्याचे क्रीडामंत्री माणिकराव कोकाटे पुन्हा एकदा अडचणीत आले आहेत. सदनिका गैरव्यवहार प्रकरणात सत्र न्यायालयाने मोठा निर्णय दिला आहे. शासकीय कोट्यातील 10 टक्के सदनिका गैरव्यवहार प्रकरणी दोन वर्षाची शिक्षा आणि 10 हजार दंडाची शिक्षा जिल्हा सत्र न्यायालयात कायम ठेवण्यात आली आहे.
प्रथम वर्ग न्यायालयाने दिलेली ही शिक्षा, जिल्हा सत्र न्यायालयाकडून कायम ठेवण्यात आल्याची माहिती मिळत आहे. या न्यायालयीन निर्णयामुळे कोकाटे यांच्यावर अटकेची टांगती तलवार उभी राहिली आहे. कायद्यानुसार, दोन वर्षांपेक्षा जास्त शिक्षा झाल्यास लोकप्रतिनिधीत्व कायद्यांतर्गत त्यांचे आमदारपद आणि पर्यायाने मंत्रीपद धोक्यात येऊ शकते.
माणिकराव कोकाटे यांच्या अडचणीत आता वाढ झाली आहे. याच पार्श्वभूमीवर आता मंत्री माणिकराव कोकाटेंना कोणत्याही क्षणी अटकेची शक्यता वर्तवण्यात आली असून नाशिक जिल्हा सत्र न्यायालयाने शिक्षा कायम ठेवताना कोकाटेंचे अटकेचे निर्देश दिले असल्याची माहिती मिळत आहे. माणिकराव कोकाटे यांचं आज दिवसभरात अटक वॉरंट निघण्याची शक्यता असून क्रीडा मंत्री माणिकराव कोकाटे आज उच्च न्यायालयात जाणार असल्याची माहिती मिळत आहे.
Summery
मंत्री कोकाटेंना कोणत्याही क्षणी होऊ शकते अटक
नाशिक जिल्हा सत्र न्यायालयाचे अटकेचे निर्देश
कोकाटे आज उच्च न्यायालयात जाणार