मुंबईच्या महापौर किशोरी पेडणेकर यांना रुग्णालयातून डिस्चार्ज देण्यात आला आहे. काही दिवसांपूर्वीच छातीत दुखू लागल्याने त्यांना रुग्णालयात भरती करण्यात आले होते.

महापौर किशोरी पेडणेकर यांना छातीत दुखण्याचा त्रास होत होता. मात्र आज त्यांचा हा त्रास वाढल्यानंतर त्यांना 18 जुलै रोजी परळमधील ग्लोबल रुग्णालयात दाखल करण्यात आले. ग्लोबल रुग्णालयातील डॉक्टरांचे एक पथ पेडणेकर यांच्यावर उपचार करत होते.ही माहिती महापौर कार्यालयातून देण्यात आली आहे. दरम्यान आता महापौर किशोरी पेडणेकर यांना रुग्णालयातून डिस्चार्ज देण्यात आला आहे.

किशोरी पेडणेकर यांची प्रकृती उत्तम असून त्या आज (20 जुलै) परळ येथील ग्लोबल रुग्णालयामधून सुखरूप घरी परतल्या आहेत. ग्लोबल रुग्णालय प्रशासनाच्या वतीने देण्यात आलेल्या निरोपाला उत्तर देताना महापौर म्हणाल्या की, ग्लोबल रुग्णालय आपल्या नावाप्रमाणे येथे आलेल्या प्रत्येक रुग्णांची या आरोग्य मंदिरात चांगली सेवा करीत असून मी सर्व रुग्णालय कर्मचाऱ्यांचे आभार मानते.