(BMC Election ) स्थानिक स्वराज्य संस्थांच्या निवडणुकीचे पडघम वाजायला सुरुवात झाली आहे. येत्या ऑक्टोबर - नोव्हेंबर महिन्यात महापालिका, नगरपालिका, नगर पंचायतींच्या निवडणुका घेण्यात येणार असल्याची माहिती मिळत आहे. चार महिन्यांत महापालिका, नगरपालिका, नगर पंचायती, जिल्हा परिषद व पंचायत समितीची निवडणूक घेण्याचे आदेश सर्वोच्च न्यायालयाने दिले आहेत.

यासाठी आता राज्य सरकार कामाला लागले आहे. याच पार्श्वभूमीवर राज्यातील सर्व महापालिकांची प्रभाग रचना करण्याबाबतचे आदेश नगरविकास मंत्रालयाकडून जारी करण्यात आले आहेत. नगरपालिका , नगर पंचायतींच्या प्रभाग रचनेचे स्वतंत्र आदेश देण्यात आले असल्याची माहिती मिळत आहे.

नगरविकास मंत्रालयाने महापालिकांच्या प्रभाग रचनेचे आदेश जारी केले असून, मुंबईमध्ये 227 एकसदस्यीय प्रभाग असतील आणि इतर महापालिकांमध्ये चार सदस्यीय प्रभाग असतील. अशी माहिती मिळत आहे. त्यानुसार आता नवी मुंबई, ठाणे, कल्याण-डोंबिवली, वसई-विरार, पुणे, नागपूर, नाशिक, छत्रपती संभाजी यांच्यासह इतर सर्व महापालिकांमध्ये चार सदस्यीय प्रभाग असतील.