प्रशांत जव्हेरी, नंदुरबार | नंदुरबार जिल्हा परिषदेच्या निवडणुकीच्या पार्श्भूमीवर जिल्हा पोलीस दलाने ऑल आउट मोहीम राबवत 20 तलवारी जप्त केल्या. या घटनेने जिल्ह्यात एकच खळबळ माजली आहे. तसेच इतका मोठा शस्त्र साठा नेमका कुठे जात होता याची चौकशी पोलीस करीत आहे.

नंदुरबार जिल्हा परिषदेच्या 11 गट आणि पंचायत समितीच्या 14 जणांसाठी उद्या मतदान होणार आहे. या निवडणुकीच्या पार्श्भूमीवर पोलीस विभागाच्या वतीने मोठ्या प्रमाणात नाका बंदी लावण्यात येऊन जिल्हा भरात ऑल आउट मोहीम राबविण्यात आली. यावेळी स्थानिक गुन्हा अन्वेषण शाखेच्या पथकाने कारवाई करत धडगाव शहरात संशयितरित्या फिरणाऱ्या व्यक्तीला अटक करण्यात आली. त्याच्याकडून 20 तलवारी जप्त करण्यात आल्या आहेत.या इसमाची चौकशी करण्यात येत आहे. जिल्हा परिषद निवडणुकीच्या पार्श्भूमीवर ही कारवाई करण्यात आल्याने एकच खळबळ माजली आहे पोलीस इतका मोठा शस्त्र साठा कुठे जात होता याची चौकशी करत आहे.