देशभरात विविध ठिकाणी भाजपाने जनआशीर्वाद यात्रेचे आयोजन केले आहे. महाराष्ट्रात यात्रा सुरू झाल्यापासून मोठ्या प्रमाणात काँट्रोव्हर्सी झाली. यातच नारायण राणे विरुद्ध शिवसेना वाद पेटल्यानंतर मोठ्या प्रमाणात राडा झाला. त्याचे परिणीती राणे यांच्या अटकेत झाली. याचे राज्यभरात पडसादही उमटले. शिवसेना विरुद्ध भाजपा वाद नव्याने उफाळून आला.
केंद्रीय मंत्री नारायण राणे यांनी मुंबईतून सुरू केलेली भाजपाची जनआशीर्वाद यात्रा आज रत्नागिरीत पोहोचली आहे. दिवसभर रत्नागिरीतील कार्यक्रम उरकून संध्याकाळी कणकवलीत ही यात्रा पोहोचणार आहे.