राष्ट्रवादीचे प्रवक्ते आणि राज्याचे मंत्री नवाब मलिक यांनी एसीबीच्या काही चुकीच्या गोष्टी समोर आणणार असल्याचं म्हटलं आहे. मलिक यांनी ट्वीट करत याची माहिती दिली आहे. त्यांनी ट्वीट करत म्हटलं आहे की, रविवारी 11 वाजता पत्रकार परिषद घेत आहे. यात NCBमधील आणखी काही चुकीच्या गोष्टी समोर आणणार आहे.
मलिक यांनी सांगितले की, ही कायदेशीर लढाई आहे ती आम्ही लढूच. मात्र आम्ही एनसीबीच्या लोकांना विचारु इच्छितो की, आम्ही जी चुकीची प्रकरणं पुढं आणली होती त्याचं काय झालं? आपल्या एसआयटीनं ते पाहिलंय का की किती घोटाळा झालाय? आपली कमिटी काय करत आहे? अशा लोकांना का वाचवत आहेत. तुम्ही कितीही वाचवा आम्ही अशा लोकांना उघडं करु आणि त्यांना शिक्षा मिळवून देऊ.