केंद्रीय मंत्रिमंडळाचा आज विस्तार झाला असून एकूण ४३ मंत्र्यांनी मंत्रिपदाची शपथ घेतली. या शपथविधीनंतर लगेचच खातेवाटपही जाहीर झाले आहे. दरम्यान महाराष्ट्राच्या मंत्र्यांना नेमकी काय खाती मिळाली ते पाहुयात…

(मोदी मंत्रिमंडळाचं खातेवाटप जाहीर)

आजच नव्या मंत्र्यांचे खाते वाटपही जाहीर झाले असून, यामध्ये नारायण राणेंना सूक्ष्म, लघु आणि मध्यम उद्योग मंत्रालयाची जबाबदारी देण्यात आली आहे. तर, रावसाहेब दानवे यांना आता रेल्वे राज्यमंत्रीपद देण्यात आलं आहे. कपिल पाटील यांना पंचायतराज राज्यमंत्री पदाची जबाबदारी सोपवण्यात आली आहे. तर, मराठवाड्यातील भाजपा नेते भागवत कराड यांना केंद्रीय अर्थ राज्यमंत्रीपद देण्यात आलं आहे. तर भारती पवार आरोग्य कुटुंब मंत्री पदाची जबाबदारी देण्यात आली आहे.