संगमनेर तालुक्यातील पुणे नाशिक राष्ट्रीय महामार्गावरील वरची माहुली येथे उभ्या असलेल्या अज्ञात वाहानाला कारने पाठीमागून जोराची धडक दिल्याने कार मधील एक जण जागीच ठार झाला आहे तर तिघे जण गंभीर जखमी झाले आहे. आज पहाटे हा आपघात झाला असून औरंगाबाद येथील ५६ वर्षीय अरूण अनंतराव जोशी या अपघातात ठार झाले आहेत.
अरूण जोशी व चौघे जण पुणे येथून संगमनेर मार्गे औरंगाबादला जात असताना पुणे नाशिक राष्ट्रीय महामार्गावरील वरची माहुली येथे पहाटे आले असता त्याच दरम्यान त्यांनी समोर उभ्या असलेल्या अज्ञात वाहणाला पाठीमागून जोराची धडक दिली त्यामुळे झालेल्या अपघातात अरूण आनंतराव जोशी हे जागीच ठार झाले. तर इतर तिघे जण हे जखमी झाले आहेत या अपघातात कारचे मोठे नुकसान झाले आहे. याप्रकरणी घुलेवाडी ग्रामीण रुग्णालयाचे वैद्यकीय अधिकाऱ्यांनी दिलेल्या माहितीनुसार घारगाव पोलीसांनी अकस्मात मृत्यूची नोंद केली आहे.