( Palghar Heavy Rain ) गेल्या अनेक दिवसांपासून विश्रांती घेतलेल्या पावसाने पुन्हा एकदा हजेरी लावली आहे. राज्यात अनेक भागात मुसळधार पाऊस पडत आहे. राज्यभरात पुन्हा एकदा पावसाचा जोर वाढणार आहे.

अनेक ठिकाणी मुसळधार पावसामुळे नदी नाल्यांना पूर आला असून जनजीवन विस्कळीत झाले आहे.काही ठिकाणी अत्यंत मुसळधार पाऊस पडण्याची शक्यता वर्तवण्यात आली आहे.याच पार्श्वभूमीवर पालघर जिल्ह्यात आज पावसाचा रेड अलर्ट जारी करण्यात आला आहे.

पालघर जिल्ह्यातील अंगणवाडी, शाळा आणि महाविद्यालयांना सुट्टी जाहीर करण्यात आली आहे. मुसळधार पावसाच्या शक्यतेमुळे जिल्हा प्रशासनाने खबरदारी घेतली आहे.जिल्ह्यात आज मुसळधार पावसाची शक्यता असून जिल्ह्यातील काही भागात आज पावसाची संततधार सुरू राहणार आहे.