एका बाजूला महिलांना 1500 रुपये देवून खूश करून मते मिळवण्यासाठी प्रयत्न सुरूआहे तर दुसरीकडे जया थोरात यांच्या विषयी भाजपच्या बड्या नेत्यांनी चुकीची वक्तव्य करायची आणि त्याची माफी देखील मागितली जात नाही. त्यावरून भाजपची ही मानसिकता असल्याची टीका माजी मुख्यमंत्री पृथ्वीराज चव्हाण यांनी केली आहे.
ते म्हणाले की, सिंचन घोटाळ्याबाबत माझ स्पष्टीकरण मी दिलं आहे. माझ्यावर आरोप होता की मी FIR केला, मी चौकशी लावली मात्र हे खरं नाही मी फक्त याची श्वेतपत्रिका काढायला लावली होती. मी मुख्यमंत्री असताना घोटाळा हा शब्द देखील याबाबत वापरला नव्हता. अँटी करप्शन कडून या प्रकरणाची चौकशी झाली पाहिजे अशी शिफारस खालून आली. त्याला गृहमंत्र्यांनी मान्यता दिली. मात्र अद्याप ची फाईल मी पाहिलेली नाही. मात्र याची शिक्षा मला भोगावे लागली. माझं सरकार पाडलं गेलं. कोणताही भाग माझा नसताना मात्र हे सगळं मला भोगावं लागलं.सिंचन घोटाळ्याबाबत भोपाळ मध्ये भाषणात मोदींनी भ्रष्टाचार झाल्याचे स्वतः सांगितले आहे त्यामुळे यात वेगळा पुरावा द्यायची गरज नाही अस देखील माजी मुख्यमंत्री पृथ्वीराज चव्हाण यांनी स्पष्ट केलं आहे.
शिवसेना पक्ष फोडायला राजमान्यता होती अशी टीका राज्याचे माजी मुख्यमंत्री पृथ्वीराज चव्हाण यांनी केली आहे. शिवसेना पक्ष फोडणे या साठी सर्व यंत्रणा त्याचा दिमतीला होती. सैनिकी ऑपरेशन सारखं हे ऑपरेशन राबविण्यात आलं. त्यामुळे भ्रष्टाचार मुक्त सरकार देणार म्हणणाऱ्या मोदी यांचे न खाऊंगा न खाने दुंगा हे वाक्य किती हास्यास्पद होतं हे यावरून स्पष्ट होते आहे. अशी टीका चव्हाण यांनी केली आहे.