पुणे महानगरपालिका निवडणुकीत भारतीय जनता पक्षाला मोठा धक्का बसला असून, प्रभाग क्रमांक २७ नवी पेठ पर्वतीमधून उमेदवारीची अपेक्षा असलेले नेते धनंजय जाधव यांनी अजित पवार यांच्या राष्ट्रवादी काँग्रेसमध्ये प्रवेश केला आहे. पक्षाने उमेदवारी नाकारल्याने त्यांनी बंडखोरीचा मार्ग अवलंबला असून, पुण्यातील राजकारणात नव्या उलथापालथीची सुरुवात झाली आहे.
भाजपमधून लढण्यासाठी इच्छुक असलेल्या धनंजय जाधव यांना तिकीट मिळालेल्या नाही, यावर त्यांनी तीव्र नाराजी व्यक्त केली. प्रबळ दावेदार असतानाही पक्षाने अन्याय केल्याचे सांगत त्यांनी डोळ्यात अश्रू भरले आणि म्हटले की, निष्ठावंतांवर अन्याय होत असेल तर गप्प बसणार नाही. जे कुणी ओळखतही नाही अशांना तिकीट दिले गेले, ही बाब त्यांना खुपली. यानंतर त्यांनी अजित पवार यांची भेट घेतली आणि घड्याळ चिन्ह स्वीकारण्याची तयारी दर्शवली.
दरम्यान, पुणे महापालिका निवडणुकीत दोन्ही राष्ट्रवादी युतीच्या चर्चा अंतिम टप्प्यात पोहोचल्या आहेत. सुरुवातीला शरद पवार गटाशी चर्चा अपयशी ठरल्यानंतर अजित पवार गटाने थांबवली होती, पण वरिष्ठ पातळीवरून निरोप मिळाल्याने पुन्हा चर्चा सुरू झाल्या.
निवडणूक अर्ज भरण्याला फक्त २४ तास शिल्लक असतानाही अंतिम निर्णय बाकी असून, पुढील चार ते पाच तासांत युती निश्चित होईल आणि सोमवारी रात्री संभाव्य उमेदवारांना एबी फॉर्म दिले जातील, अशी माहिती राष्ट्रवादीतील सूत्रांनी दिली. या विकासामुळे पुणे महापालिकेच्या राजकीय समीकरणे बदलण्याची शक्यता आहे. भाजपमधील बंडखोरी वाढेल की राष्ट्रवादी युती मजबूत होईल, याकडे आता सर्वांचे लक्ष लागले आहे.