महापालिका निवडणुकीच्या तयारीसाठी मनसे अध्यक्ष राज ठाकरे आता सक्रिय झाले आहेत. आजपासून राज ठाकरे पुण्यात तीन दिवस मुक्कामी असतील.
शहरातील सर्व विधानसभा मतदारसंघातील पदाधिकाऱ्याशी राज ठाकरे संवाद साधणार आहेत. सकाळी 9 वाजता मनसेच्या शहर कार्यालयात या बैठकांना सुरुवात होणार आहे. आज कसबा पर्वती, हडपसर या तीन विधानसभा मतदारसंघातील पदाधिकाऱ्यांशी ते संवाद साधणार आहेत.
दरम्यान, यापूर्वी राज यांनी नाशिकचादेखील दौरा केला आहे. आगामी स्थानिक स्वराज्य संस्थांच्या निवडणुकीसाठी मनसेनं मोर्चेबांधणी करण्यास सुरुवात केली असल्याचं बोललं जात आहे. खासकरून पुणे आणि नाशिक महापालिकेवर मनसे विशेष लक्ष केंद्रित करून असणार आहे.