गुंतवणूकदारांची फसवणूक केल्याप्रकरणी बांधकाम व्यावसायिक डी.एस. कुलकर्णी गेल्या ४ वर्षांपासून तुरुंगात आहेत. ईडीने त्यांच्यावर केलेल्या कारवाईदरम्यान त्यांचा बंगलाही जप्त केला होता. याच बंगल्यात चोरी झाल्याची घटना उघडकीस आली आहे. याबद्दल चतुःश्रुंगी पोलीस स्टेशनमध्ये तक्रार दाखल करण्यात आली आहे.
चतुःश्रुंगी मंदिराजवळ डीएसकेंचा ४० हजार चौरस फुट जागेत पसरलेला बंगला आहे. डीएसके यांच्यावर गुन्हा दाखल झाल्यानंतर हा बंगला ईडीने जप्त केला होता. तसंच सील केला होता. या बंगल्याचं सील तोडून चोरट्यांनी मोठा ऐवज लंपास केला आहे. याबद्दल भाग्यश्री कुलकर्णी यांनी फिर्याद दिली आहे.