थोडक्यात

• रोहित आर्यचा जुना फोटो व्हायरल

• दीपक केसरकर मंत्री असतानाचा सोबतचा फोटो व्हायरल

• केसरकरांच्या शासकीय निवासस्थानी केलं होतं धरणे आंदोलन

(Rohit Arya ) मुंबईतील पवई परिसरात एका व्यक्तीनं तब्बल 17 लहानग्यांसह 20 जणांना ओलीस ठेवलं होतं. रोहित आर्या असे त्या व्यक्तीचं नाव होते. पोलिसांना या घटनेची माहिती मिळताच घटनास्थळी धाव घेत तातडीने कारवाई करत काही तासांतच सर्व मुलांची सुखरूप सुटका केली.

या प्रकरणानंतर संपूर्ण परिसरात प्रचंड गोंधळ उडाला. त्याने सोशल मीडियावर याबाबतचा एक व्हिडीओ देखील शेअर केला होता. पोलीस स्टुडिओच्या बाथरूममधून आत शिरले. यावेळी रोहित आर्य आणि पोलिसांमध्ये चकमक झाली आणि या चकमकीत आरोपी जखमी झाला. आरोपीला तातडीनं रुग्णालयात दाखल करण्यात आलं. पण, आरोपीचा रुग्णालयात उपचारादरम्यान मृत्यू झाला.

याच पार्श्वभूमीवर आता रोहित आर्यचा जुना फोटो व्हायरल होत असल्याचे पाहायला मिळत आहे. दीपक केसरकर मंत्री असताना रोहित आर्यने केसरकरांच्या शासकीय निवासस्थानी धरणे आंदोलन केलं असल्याची माहिती मिळत आहे. यातच आता रोहित आर्यचा दीपक केसरकर यांच्यासोबतचा फोटो व्हायरल झाल्याने राजकीय वर्तुळात चर्चा रंगली असून यावर प्रतिक्रिया येत आहे.