एरोली मतदारसंघात अंकुश कदम यांच्या प्रचारार्थ आयोजित सभेत संभाजीराजे छत्रपती बोलत होते."स्वराज्य संघटना असताना याठिकाणी मी जेव्हा आलो, तेव्हाच मी तुम्हा सर्वांना शब्द दिला होता की, इथल्या गुंडशाहीविरुद्ध मी तुमच्यासोबत आहे. गुंडशाही मोडून काढण्यासाठी आणि सामान्य लोकांना भयमुक्त करण्यासाठी तुम्ही अंकुश कदम यांना आपला प्रतिनिधी म्हणून विधानसभेत नक्की पाठवाल," असे ते म्हणाले.
"मराठा समाजाला आरक्षण मिळावे यासाठी जो प्रदीर्घ लढा सुरू आहे, त्या लढ्यात अंकुश कदम माझ्यासोबत कायम कार्यरत आहेत. मराठा समाजाला ५०%च्या आत आरक्षण देण्याची भुमिका घेणारा स्वराज्य पक्ष हा एकमेव पक्ष आहे. इतर पक्ष फक्त आरक्षणाचे गाजर दाखवून राजकारणासाठी मराठा समाजाला आणि इतर समाजाला सुध्दा फसवत आहे आहेत.
माथाडी कामगारांचे प्रश्न आणि काही ठराविक बिल्डरांच्या हितासाठी पर्यावरणाचा विचार न करता चाललेले व्यवहार बंद करण्यासाठी स्वराज्य पक्ष कटिबद्ध आहे, अ, ते म्हणाले.