थोडक्यात बातमी वाचण्यासाठी खाली स्क्रोल करा...

(Sanjay Raut) आगामी महापालिका निवडणुकांसाठी सर्वच राजकीय पक्ष तयारीला लागले आहेत. अनेक बैठकांचे आयोजन करण्यात येत असून जागावाटपासंदर्भात अनेक चर्चा होताना पाहायला मिळत आहे. याच पार्श्वभूमीवर आज संजय राऊत शरद पवार यांची भेट घेणार असल्याची माहिती मिळत आहे.

या भेटीमध्ये महापालिका निवडणुकीसंदर्भात चर्चा करण्याची शक्यता वर्तवण्यात येत आहे. या भेटीत काय चर्चा होते याकडे लक्ष लागले आहे. मुंबई, पुणेसह राज्यातील २९ महापालिका निवडणुकीची घोषणा करण्यात आली. येत्या 15 जानेवारी 2026 रोजी महापालिका निवडणुकीसाठी मतदान होणार आहे, तर 16 जानेवारी 2026 रोजी मतमोजणी होणार असून 2869 जागांसाठी ही निवडणूक होणार आहे.

23 डिसेंबर ते 30 डिसेंबर या कालावधीमध्ये महापालिका निवडणुकीसाठी उमेदवारांना आपले उमेदवारी अर्ज दाखल करता येणार आहेत, तर 31 डिसेंबर रोजी उमेदवारांच्या अर्जाची छाननी होणार आहे. तर 2 जानेवारी 2026 पर्यंत उमेदवारांना आपले अर्ज मागे घेता येणार आहेत. 3 जानेवारी रोजी चिन्हाचं वाटप होणार असून 15 जानेवारी 2026 रोजी मतदान होणार आहे.

Summery

• मुंबई, पुणेसह राज्यातील २९ महापालिका निवडणुकीची घोषणा करण्यात आली

• संजय राऊत आज शरद पवारांची भेट घेण्याची शक्यता

• पालिका निवडणुकीसंदर्भात चर्चा करण्याची शक्यता