थोडक्यात बातमी वाचण्यासाठी खाली स्क्रोल करा...
(Santosh Deshmukh Case ) बीड जिल्ह्यातील मस्साजोगचे सरपंच संतोष देशमुख यांच्या हत्या प्रकरणाने राज्यभर खळबळ उडाली. या प्रकरणावर राजकीय वर्तुळातून अनेक प्रतिक्रिया देखील आल्या. राज्यात तणाव निर्माण झाला होता. अनेक ठिकाणी या प्रकरणाचे तीव्र पडसाद उमटताना पाहायला मिळाले.
याच पार्श्वभूमीवर संतोष देशमुख हत्या प्रकरणाची सुनावणी पार पडत आहे. यातच आज मस्साजोग गावचे सरपंच संतोष देशमुख यांच्या हत्या प्रकरणाला आज एक वर्ष पूर्ण झाले आहे. संतोष देशमुख यांची 9 डिसेंबर 2024 रोजी अपहरण करून त्यांची हत्या करण्यात आली होती. यातच आता संतोष देशमुख यांचे नवीन फोटो आता समोर आले आहेत.
केज येथील उपजिल्हा रुग्णालयात शवविच्छेदनासाठी नेल्यानंतरचे धक्कादायक फोटो समोर आले आहेत. यापूर्वी आरोपींनी मारहाण करताना काढलेले काही फोटो समोर आले होते . त्यामधून किती क्रुरपणे आणि अमानुषपणे ही हत्या झाली होती हे अख्ख्या महाराष्ट्राने पाहिलं होतं आणि आता हे नवीन फोटो समोर आले असून यामधून देखील मारेकऱ्यांची क्रुरता समोर आली आहे. या हत्या प्रकरणाला आज एक वर्ष पूर्ण झाले आहे. गावातीलच एका व्यक्तीने आपल्या मोबाईलमध्ये काढलेले हे फोटो असल्याची माहिती मिळत आहे.
Summery
मस्साजोग गावचे सरपंच संतोष देशमुख यांच्या हत्या प्रकरणाला आज एक वर्ष पूर्ण
संतोष देशमुख यांच्या हत्येनंतरचे नवे फोटो समोर आलेत
गावातीलच एका व्यक्तीने आपल्या मोबाईलमध्ये हे फोटो काढलेत