आई वडिलांसोबत बँकेत पीक कर्ज मागण्यासाठी गेलेल्या तरुण शेतकऱ्याला एसबीआय बँक कर्मचाऱ्यांनी शिवीगाळ करत मारहाण केल्याची घटना घडली आहे. भोकरदन तालुक्यातील गव्हाण संगमेश्वर गावातील तरुण शेतकरी आपल्या आई वडीलांसोबत बँकेत आला होता. बँकेचे चॅनल गेट मधून पीककर्जा बाबद विचारणा करताच, एसबीआय बँक कर्मचारी असलेल्या पाठण यांनी तरुणाला शिवीगाळ करत मारहाण करण्यास सुरुवात केली, इतक्यावरच न थांबताभर चौकात आणून शेतकऱ्याला मारहाण केली.
घटनेची माहिती मिळताच शिवसेना शहर प्रमुख महेश पुरोहित यांनी या घटनेचा निषेध करत शेतकऱ्याला मारहाण करणाऱ्या कर्मचाऱ्यांची निलंबन करण्याची मागणी करत पोलिसात धाव घेतली आहे. या कर्मचाऱ्यावर कारवाई ची मागणी जोर धरू लागली आहे.