केंद्रीय मंत्री नारायण राणे यांनी मुख्यमंत्री उद्धव ठाकरे यांच्या विरोधात आक्षेपार्ह वक्तव्य केल्यानंतर चिपळूणमध्ये शिवसेना आक्रमक झाली आहे. चिपळूणच्या राणे यांच्या दौऱ्यात मुंबई-गोवा महामार्गवर बहादूरशेख नाका व हॉटेल अतिथी याठिकाणी शिवसैनिक व भाजपचे कार्यकर्ते आमने-सामने भिडले.
यावेळी पोलिसांनी त्यांना अटकाव केला. त्यानंतर चिपळूणमधील शिवसैनिकांनी पोलीस ठाण्यात जाऊन केंद्रीय मंत्री नारायण राणे यांच्या विरोधात तक्रार दाखल केली.