पेट्रोल, डिझेल व गॅस तसेच जीवनावश्यक वस्तूंच्या दरवाढीच्या निषेधार्थ नाशिकच्या येवल्यात आज स्वाभिमानी रिपब्लिकन पक्षाच्या वतीने विंचूर चौफुली येथे डॉ बाबासाहेब आंबेडकर यांच्या पुतळ्या समोर भीक मागो आंदोलन करण्यात आले. रस्त्यावरील वाहनधारक व येणाऱ्या जाणाऱ्या नागरीकांसमोर कटोरा धरत भीक मागण्यात आली.
पेट्रोल, डिझेल व घरगुती गॅसच्या किंमतीत झालेली भरसाठ वाढ कमी करावी तसेच जीवनावश्यक वस्तूची झालेली दरवाढ मागे घ्यावी, खाजगी शाळेतील सक्तीची फी वसुली थांबवावी. आदी मागण्या या आंदोलनावेळी करण्यात आल्या. दरम्यान, मागण्या मान्य न झाल्यास तीव्र आंदोलन छेडण्याचा इशारा स्वाभिमानी रिपब्लिकन पक्षाच्या वतीने देण्यात आला आहे.